Hnittin og fyndin
Þegar maður skrifar svona texta á blogg eða á fjölpóst til margra vina vill maður vera hnittin og fyndin. Oftast hins vegar þegar maður einsetur sér að vera það kemur ekkert. Maður situr og skrifar setningu, strokar hana út jafnóðum og byrjar á nýrri sem endar líka í klóm Back takkans. Þetta er orðið næstum eins og vinnan manns að finna eitthvað áhugavert að tala um, reyna að minnast sem minnst á veðrið sem er jú alltaf gott að tala um í gúrkutíð og ekki tala um hvað maður sé latur og eða þreyttur (er maður það ekki alltaf) og sem minnst um hvað sé mikið að gera í vinnunni.

Vinnuna má samt tala um ef hægt er að rakka niður einhvern samstarfsfélaga sem hefur verið sérstaklega þreytandi enda alltaf gaman að hneykslast á öðru fólki, skemmtilegar sögur af vinnufélögum eru einnig leyfðar en almennur skortur er á slíkum sögum, allavega þaðan sem ég kem. Hestar, sem mér eru nú ofarlega í huga má ekki tala um nema á mjög almennan hátt, vitað er að "hún hrekkti hnakkinn út alla langhliðina" er ekki eitthvað sem allir skilja, þannig er allt fagmál bannað í umfjöllun á svona almennri bloggrás.

Hvað er þá eftir að tala um..........

Æ hvað ég er þreytt í dag, og að drepast ú leti, nenni ekki að hanga í þessari vinnu, það er svo mikið að gera að ég geri ekki neitt. Held ég fari bara upp í hesthús setji hestinn í taumhring, ætli ég noti ekki bara koparmélin með bitanum til að hann bryðji betur losi um axlirnar og setjist á rassinn.


Posted 13:30 by Sólveig

Lestur óbókmennta
Ég hef nú yfirleitt gaman af því að lesa og vill alltaf hafa eina bók á náttborðinu og síðan fer eftir skemmtilegheitum bókarinnar hvað hún klárast fljótt. Stundum eru þessar bækur hins vegar óáhugaverðar og leiðinlegar og þá næ ég að lesa eina síðu á dag sem þýðir að ég er ár og daga að klára þær. Þá mætti spyrja "af hverju ekki bara sleppa því að lesa þær?" Af einhverjum orsökum er mér ægilega illa við að hætta að lesa bækur í miðju kafi, er reyndar þannig með flesta hluti, ef ég byrja verð ég að klára. Ég er rétt að byrja að geta slökkt á leiðinlegri mynd í sjónvarpinu. Þetta var orðið hálf vandræðalegt að hanga yfir hundleiðinlegri mynd bara til að sjá hvernig hún endar (sem var yfirleitt á mjög fyrirsjáanlegan hátt).

Allavega ég er núna á bók tvö um konu sem var upp fyrir mörg þúsund árum í Bandaríkjunum. Ég man ekki einu sinni hvað aðalpersónan heitir, sem ætti að segja nokkuð. En þær heita bækurnar: Konan sem man og ..... nei ég man ekki hvað bókin heitir sem ég er að lesa núna. Þetta er fáránlegt, mér leiðist á meðan ég er að lesa og ég sleppi oft heilu blaðsíðunum en legg ég bókina frá mér?... NEI.

Nú tek ég mig á. Ekki fleiri leiðinlegubókarlestra.
Posted 15:24 by Sólveig

Nóvember á enda
Vissuði að þetta er síðasta vikan í Nóvember? The madness begins. Nánar tiltekið á laugardaginn, en þá verða fyrstu jólatónleikar Spron. Það verður því ekki mikið um djamm þessa helgi. Laugardagur æfing um morgunn, tónleikar seinna um daginn. Sunnudagur messa og tónleikar um kvöldið. Æfing mánudag og þriðjudag með sinfóníunni. Æfing og tónleikar fimmtudag, föstudag og laugardag. Kræst olmætí.
Posted 10:25 by Sólveig

Aumingjabloggarar
Jæja, ætli sé ekki best að setja eitthvað niður á blað til að vera ekki eins og sumir "aumingjabloggarar". Nú er ég ekki svo mikið góðmenni að nefna engin nöfn. Nefni þau bara víst: Ása Björg! þú er aumingjabloggari, og Auður líka, þó ekki jafn mikill.
Hí hí, mér líður næstum eins og verkfærðistúdínunni sem skrifaði bólfaraeinkunnir nafngreindra karlmanna á heimasíðuna sína.

Úff, var rúmliggjandi í allan gærdag og þar sem ég er hress í dag get ég ekki annað en dregið þá ályktun að þetta hafi verið þynnildi frá helginni.
Ritstjórinn er búinn að ná sér af krísunni og er aftur orðinn hálfgerð pest. kunni betur við hann þegar hann átti bágt. En jæja, goes to show að fólk breytist ekki.
Posted 15:19 by Sólveig

Tær í potti
Helgin var hin prýðilegasta. Fór út að borða og í bíó í staðin fyrir að fara að skokka (skemmtilegt en ekki vitsamlegt), ber þó fyrir mig ellefu tíma vinnuþreytu.
Fór á aukaæfingu hjá kórnum á laugardagsmorgunn og síðan var haldið á Flúðir í bústað til Þengil og Gosa. Það var ægilega gaman, étið saman og farið í pottinn. Ótæpilega var neytt af áfengi og gætu magaverkirnir nú á mánudegi stafað af þeim (eða ég vona það annars er ég að verða veik sem ég hef ekki tíma fyrir). Geri mér ekki grein fyrir því hve lengi var hafst við í pottinum en heimildamenn telja að það hafi ekki verið undir fjóra tíma. Hvað við vorum að gera veit ég ekki alveg, nema syngja, drekka, syngja, ræða um tær, hvíta fætur og loðna fætur. Held að ég hafi ekki unnið neina keppni. sem er mjög gott. Svaf lítið sem ekkert um nóttina og var því alvarlega búin á því seinnipartinn í gær og fór að sofa klukkan sjö, vaknaði einu sinni klukkan eitt til að fara á toiarann en svaf svo non stop til átta í morgunn. Er fegin að Guðrún keyrði heim í gær þrátt fyrir að hafa sofnað einu sinni undir stýri og næstum búin að keyra út í skurð (sem betur fer var ég ekki líka sofandi).
Rosalega getur maður samt verið ruglaður. Við frænkurnar tókum risa sveig og keyrðum í gegnum Geysi tilbaka frá Flúðum því við ætluðum að kíkja á hestana. Þegar í hagann var komið voru hestarnir soldið langt frá og við NENNTUM ekki að labba, já eða opna hliðið og keyra (æ það var svo fast bundið) Aular ársins.

Var rétt í þessu að frétta að ég er ekki að fara til Svíþjóðar á morgunn heldur 10 desember. Æ, ég er nú hálf fegin, þá þarf ég ekki að vera í stressi með greinarnar sem ég er að skrifa og heldur ekki hafa áhyggjur af því að vera að verða veik. Ekki gaman að fljúga og ferðast með magaverk. Fer því ekki til Nörköping heldur til Osló. Hey, Lulla here I come.
Posted 13:23 by Sólveig

Skemmtileg helgi framundan

Loksins eitthvað skemmtilegt að gerast. Fer í bústað á laugardaginn með útvöldu skemmtiliði. Sverrir og Hrefna off kors, Þengill, Sigga, Biggi og Hákon (sem verður ávallt að nefna saman) Guðrún Katrín og kannski eitthvað fleira fólk, ja allavega Argos litli.
Pottur og bjór getur ekki klikkað, það er nokkuð ljóst.

Annars verð ég á ráðsefnum og fyrirlestrum í allan dag, sem er mjög gott, nenni ekki að hanga á þessari skrifstofu lengur
Posted 12:07 by Sólveig

Stress og kvíði
Er ekki gjörsamlega óþolandi þegar maður er með stress og kvíðaeinkenni þegar maður hefur enga ástæðu til þess. Ég er til dæmis ægilega kvíðinn núna yfir einhverju sem ég veit ekki hvað er því núna er minna að gera og meiri tími til allra hluta en venjulega. Ekkert stress.
Kannski er bara of lítið að gera, or it's just hormones.

Svo er ég líka í skapi til að rífast við einhvern. Var næstum búin að springa á konu í vinnunni sem vill ekki borða grænmeti. Held það sé kominn tími á heyrnartólinn góðu. Mundi loksins eftir að koma með Jólaoratoríuna með mér í vinnuna. Þannig að nú er það bara Fallt mit loben, fallt mit danken.

Fann í gær glósubókina okkar Hrefnu úr sálfræðinni, það er í rauninni slugsabókina, því í stað þess að glósa námsefnið skrifuðum við skilaboð í stílabók og töluðum um heima og geima. Samt aðallega um fólkið sem var með okkur í tíma. Mér eru minnisstæðar umræður um Hökulausa helvítið hann flasa, Hamsturinn, Gulrótina, Bartakonuna og kennara í klínískri barnasálfræði sem líktist Drakúla.
Skemmtileg lesning allavega, þyrfti að komast í bók númer eitt sem Guðrún Friðriks er með í vörslu sinni. Sé fyrir mér að við lesum upp úr þessu eftir tíu ár á einhverju reunion.
Posted 13:54 by Sólveig

Börn = böl?

Sverrir
stendur sig vel í föðurhlutverkinu þessa dagana, sækjandi litla frænda hingað og þangað, vona að hann hafi hitt á rétta leikskólann, fer að sofa klukkan tíu svo krakkinn hætti að hlaupa í hringi, ekki minnast á mömmu því þá kemur táraflóð. Ok, allt í lagi í nokkra daga, en að eyða ævinni í það? Ekki alveg strax allavega.
Þetta minnir mig á þegar ég fór með Sverri og GK í Kringluna um daginn. Við sátum makindalega á Kvikk (þó það hafi nú ekki heitið það í háa herrans tíð, alveg sama, lifi í fortíðinni), þegar að ber hóp stúlkna sem eru að gæsa aðra stúlku. Kemur á daginn að þetta er hópur stelpna sem var með mér í bekk í grunnskóla. Inga Jessen er semsagt að fara að gifta sig. Það var hins vegar ekki það mest sjokking, heldur dagaði uppi fyrir mér að ALLAR þessar stelpur eru annaðhvort ófrískar eða hafa átt barn. Þarna voru fyrir þá sem til þekkja: Íris Tebe - átti krakka í menntó, Magga - átti krakka í menntó, Fjóla - átti krakka fyrir ekki alls löngu, Inga - á krakka, Lilja - ófrísk, Guðrún H - ófrísk!!!! Svo erum það við hinar, Ég, Árdís og Íris sem já, gætum ekki verið meira singul og ekki á leiðinni í neitt barnastand. Persónulega finnst mér það kostur. Hmm come to think of it þá er það víst ég sem er frábrugðin en ekki mæðurnar, á maður ekki að þurfa að ljúka þessu af fyrir þrítugt? jæja ég hef fimm ár.
Auglýsi hérmeð eftir barnsföður sem hefur sett barneignir á langtímaplanið (eftir svona 3-10 ár)


Posted 09:51 by Sólveig

Í saltnámunni

Ég hef verið dæmd til vistar í saltnámum Eiðfaxa fram að jólum. Ritstjórinn er orðinn mjög viðkunnanlegur upp á síðkastið og ég er farinn að kunna bara nokkuð vel við hann. Hann á þó í einhverjum vandræðum núna þannig að hluti af hans vinnu mun liggja á mér á næstu vikum. Það er þó búið að lofa bót og betrun í launamálum þannig vonir standa til að enginn fari í jólaköttinn þetta árið.

Helgin var annars með rólegra móti. Ég fór þó á bíó á laugardaginn með Sverrir og GK, One hour photo hét myndin, og já, ég hefði alveg getað lifað án þess að horfa á hana. Sverri fannst hún samt góð, ef einhver trúir honum frekar en mér. Eftir bíó kíktum við á Sólon, sem heitir víst ekki sólon lengur heldur.... svartur ruslapoki. og aðeins á Astró þar sem við lentum óvænt inná "Árlengan haustfagnað Simba og Svavars" , þar var mikið um dýrðir en drengirnir aðeins of drottningalegir fyrir smekk hópsins. Við skemmtum okkur þó ágætlega við að meta útlit og atgervi manna og kvenna.
Posted 15:29 by Sólveig

Tími yfirumfara

Ég held að þegar nálgast desember þá fari sumir einfaldlega yfirum. Þetta sannast bæði hjá Árdísi
ogÍrisi

Íris er þó verr haldin held ég því hún er komin í einhvað geðklofa rifrildi við tölvuna sína sem vill kjósa Sjálfstæðisflokkinn. Segi nú bara ekki meir.
Posted 12:03 by Sólveig

Eins dauði er annars brauð

Klukkan er að verða fimm og ég má fara heim, engin yfirvinna í dag því ritstjórinn fór veikur heim og gat ekki hent í mig greininni til betrumbóta.
Posted 16:52 by Sólveig

Áttavillt veðurstúlka

Ég skil ekki alveg veðurstúlkuna mína, hún hlýtur að vera nokkuð heitfeng. Það virðist vera henni nógur hitagjafi í tveggja stiga fosti að vera í þunnum blómabol!!! Allavega fer ég ekki út án þess að vera í úlpu með trefil, grey stúlkan það hlýtur að slá um hana og svo mun hún forskalast.
Posted 13:26 by Sólveig

Ekkert nýtt af vígstöðvunum

Pabbi hefur ekki enn fengið ósk sína uppfyllta um uppgjör við nágrannan. Hann er hins vegar hættur að fara nokkuð vegna þess að hann vill ekki færa bílinn úr bílastæðinu (ok, kannski soldið ýkt).

Búið er að staðfesta Svíþjóðarför mína þann 26. nóvember. Þá mun ég fylgja eftir einhverjum hestum í kargo og á hestabúgarð í Svíaríki. Ég hlakka til að geta sloppið út af skrifstofunni í tvo daga, þó ég missi af einni kóræfingu, vona bara að það verði ekki æfður Spade, hef áhyggjur af þeim kalli.
Posted 11:50 by Sólveig

Nágrannaerjur

Pabbi býr sig þessa dagana undir stríð. Eftir að Hymman hvarf hefur hann haft einn nágrannann grunaðan um verknaðinn. Reyndar er það byggt á nokkuð góðum grundvelli þarf sem karlinn hefur látið berlega í ljós að hann þoli ekki hundinn. Pabbi hefur því ákveðið að leggja alltaf í bílastæðin fyrir framan húsið hans. Það var nefnilega á tímabili stríð þar sem okkur var hótað öllu illu ef við legðum í þessi stæði og okkur tjáð að þau fylgdu húsaröðinni hinumegin við götuna. Pabbi er hins vegar svo glöggur að hann fór niður á skipulagsstofu (eða hvað það heitir) og fékk teikningar á svæðinu þar sem kemur berlega í ljós að aðeins þrjú af sjö stæðum tilheyra einhverjum, hin eru fyrir gesti og gangandi. EURECA segir pabbi og bíður og vonar að einhver geri athugasemd þannig að hann geti dregið upp teikningarnar.

Annars var ég að skoða heimasíðu Árdísar vinkonu og tók eftir því að hún er komin með veðradömu eins og ég. Gott mál, hins vegar er nótt hjá henni en SAMT 17 stiga hiti. Ég vil benda á að það er þriggja stiga frost og sól á Íslandi, þetta er ekki sanngjarnt.
Posted 11:10 by Sólveig

Öfugsnúið
Af hverju segir maður eitt en gerir annað og af hverju hugsar maður eitt en skrifar annað á bloggið sitt???
Posted 13:48 by Sólveig

Máttur tónlistarinnar

er alveg ótrúlegur. Ég er búin að vera þvílíkt stressuð í allan dag og alveg að springa á limminnu. Ekkert hefur gengið eftir í vinnunni, ég er að reyna að klára grein sem gengur ekkert með og bara almennur pirringur í gangi. Svo rændi ég heyrnartólunum mínum til baka frá ritstjóranum skellti Verdi í drifið og lífið er allt annað. Libera me, Domine, de morte æterna.

Hundurinn týndist í gær. Það gleymdist að loka hurð á leiðinni út og svo var hún horfin og kom ekki aftur í leitirnar. Hún fannst í morgunn á hundahótelinu að Leirum, hafði reyndar komið þangað klukkan sjö í gær sem er mjög furðulegt miðað við að hún týndist rúmlega sex. Það hefur einhver verið ansi snöggur að kippa henni upp og skutla henni á Leirur.
Grey Hymman, sé alveg fyrir mér að það hafi verið grátur og gnístran tanna í alla nótt.
Posted 13:13 by Sólveig

M&M ið er búið
Oh, ég var að klára síðustu mogm bitana. Mig langar í meira nasl, snakk kannski ó já, snakk með papriku. En surprise surprise langar mig ekkert í kók. Er greinilega komin úr detoxinu. Alveg sátt við að drekka bara diet sprite og díet appelsín.
Borðaði ekki svo góða eggjaköku úr Europris í dag, með beikon og brokkolí, hún var betri með fetaosti og papriku sem ég fékk mér um daginn. Hefði reyndar getað sagt mér það sjálf að eitthvað með bokkolí væri ekki gott.

Skellti mér á bíó í gær með GK og Sverri. Sweet home Alabama. Hún var nú bara svona allt í lagi, ekkert meira en það. Hefði mátt vera fyndnari. Mig langaði á Road to perdition en GK langar ekki að sjá hana. Hefur einhver séð hana?

Ég er að skrifa grein um hesthúsainnréttingar og það sem átti að vera lítil grein með nokkrum myndum af mismunandi innréttingum er á góðri leið með að verða viðamikil BA ritgerð, sem ég hefði átt að skila í gær. Ekki gott.
Posted 14:54 by Sólveig

Sunnudagur í vinnunni

Það á að banna svona hluti. Vinna alla helgi án þess að vera á yfirvinnukaupi er það ömurlegasta af öllu ömurlegu. Aðallega þegar maður fær enga umbunn fyrr en um jólin þegar maður má taka því róleg. EN Jólin er svooo langt í burtu og ég þarf líkla að vinna allar helgar fram að þeim. JESUS
Var sem sagt á landsþingi LH á föstudag og laugardag, fór reyndar síðan út að borða á Carpe Diem með Guðrúnu og svo á uppskeruhátíð hestamanna um kvöldið. Þetta var ágætis skemmtun, alveg troðið af fólki og maður þekkti alveg fullt af þeim en flesta bara svona "nei hæ" og svo búið. Svo voru háir hælar ekki að gera sig í marga klukkutíma enda hef ég ekkert þol á hælum vill helst marflata strigaskó, þá fíla ég mig best.

Annars sá ég ljótustu peysu í heimi á föstudaginn og ekki nóg með það heldur sá ég hana fyrst í prentsmiðjunni og svo síðar um daginn sá ég mann í mjög svipaðri peysu. TERRIBLE
Þetta er svona peysa eins og einhver síkópati hefði prjónað hana. Hún var í þúsund mismunandi prjónaaðferðum, ekki bara slétt og brugðið heldur fléttur og kaðlar og alles inn á milli í engri sérstakri röð, litirnir voru líka hist og er úr litrófinu. Þessi peysa fer mjög illa með alla sem hafa minnsta áhuga á symmetríu og ég tala nú ekki um að hún er hið versta babemagnet sem um getur. Allavega virkar þessi peysa á mig eins og öfugur segull YACK
Posted 18:32 by Sólveig

Bann
Ég er í sjálfskipuðu kókbanni og stend mig að eigin mati nokkuð vel. Þetta er fjórði kóklausi dagurinn.. mind you þá er hann rétt að byrja maður veit aldrei hvar freistingarnar leynast. Held samt að ég sé komin yfir erfiðasta hjallann. Hef fundið diet drykk sem er drykkjarhæfur, díet appelsín.. sem er mjög gott.
Fór aftur að hlaupa og í sund í gær OG borðaði bara einn brjóstsykur... ok tvo.

Skjóni alias Þrymur alias Trulli kom á hús í gær, það er nú ósköp notalegt að geta farið uppí hesthús að klappa hestum, hefði samt alveg getað lifað án þess í soldin tíma í viðbót. Fyrir þá sem ekki þekkja til fékk Skjóni minn hnjúska (nei ég nenni ekki að útskýra hvað það er) þannig að ég þurfti að taka hann inn til að það gæti lagast.

Ábending dagsins: Ekki horfa á myndina What's the worst that could happen. Hún er bara vond
Posted 09:44 by Sólveig

Hrúturinn (21.mars - 19.apríl)
Nú er komið að því að þú sýnir öðrum traust og skilning sem tengjast þér. Ekki halda lengur í falskar hugmyndir eða vonir sem tengjast draumórum sem styðjast ekki við raunveruleikann. Líttu í eigin barm og ákveddu hvað er raunsætt og hvað ekki því nýr kafli birtist hjá stjörnu hrútsins fyrir lok ársins 2002.

Og hvað þýðir þetta?

Posted 16:29 by Sólveig

Glataðar vonir

Helgin var með rólegra móti. Föstudagurinn fór í sprikl. Hljóp smá spotta í Elliðarárdalnum, fór svo í heitan pott og ljós á eftir. Hljómar vel þangað til maður pælir í harðsperrum sem eru enn til staðar á mánudegi og að ég varð eins og rauðhærður þvottabjörn eftir ljósin. Stefni samt á að sprikla eitthvað í kvöld aftur.

Æfing á laugardag, var bara gaman og svo að borða hjá Ásu um kvöldið. Kósý kvöld með rauðvíni og Chili con carne. Sunnudagur messa. Vonir okkar Sverris verða að engu þegar allt í einu er aftur sungið í áttundum. Þó fréttist að búið væri að gefa út skotleyfi á manninn.

Við Guðrún fórum svo seinna um daginn austur á Selfoss að kíkja á hrossin, ágætis bíltúr. Vídjó í gærkvöldi, horfðum á soldið furðulega mynd eftir Steve Buscemi um stúlku sem fílar að vera öðruvísi.
Posted 13:00 by Sólveig

Er í lagi að fíla Fjölni?

Fór austur á Forsæti í Landeyjum í gær þar sem Fjölnir einn Þorgeirsson er bóndi ásamt sinni heittelskuðu Mailinn Solér. Fór með Axel úr vinnunni og ég verð að segja að hann kom mér skemmtilega á óvart, Fjölnir það er.. ekki Axel.. þó hann sé fínn líka... ANYWAYS

Fjölnir er bara léttur og skemmtilegur og mjög næs í alla staði. Virðist hafa mjög gaman að því að vera bóndi og hefur víst unnið við uppbyggingu á búinu eins og brjálæðingur í þessa fjóra mánuði sem þau hafa búið þarna. Ég spái því að þetta verði skemmtileg grein og aðeins áhugaverðari en "á gömlum merg í Árnanesi"

Svo sæki ég bílinn í dag, 30 þúsund krónur takk fyrir. Það er nú reyndar vel sloppið er mér tjáð því ef hjólablabla hefði brotnað eða blablastykki bognað þá hefði þetta getað kostað yfir 100 þúsund. Eins og þið sjáið er ég mjög vel að mér í öllu bílatæknimáli.

En það er föstudagur og helgin framundan. Æfing frá 10-14, kjólamátun með GK í Debenhams upp úr fjögur (algert priority náttlega) og svo suðuramerískt matarþema hjá Ásu Björg um kvöldið. Á sunnudaginn er planað að kíkja á hryssu á Selfossi með það í huga að taka hana á hús og prófa hana. Gaman að því.
Góða helgi allesammen


Posted 11:53 by Sólveig